SavdokuBot · Maqolalar

Uzum, Wildberries, Ozon va Yandex Market: API kalitini qanday olish

Kalit — do'koningizni tashqi dasturga ulaydigan parol. Quyida to'rtala kabinet uchun qadamlar, kerakli ruxsatlar va sotuvchilar ko'pincha xato qiladigan sozlama.

Yangilangan: 2026-08-04 · O'qish: qisqa

API kaliti nima va nega kerak

Marketplace kabinetida ishlaganingizda saytga o'zingiz kirasiz. Dastur esa sizning o'rningizga kira olmaydi — unga alohida kalit beriladi: qaysi ma'lumotni o'qishi va nimani o'zgartirishi mumkinligini siz belgilaysiz. Kalitni istalgan payt kabinetdan bekor qilsangiz, dastur o'sha zahoti do'koningizga kira olmay qoladi.

Kalitni hech kimga yubormang — na chatda, na skrinshotda. Uni faqat ishonchli dasturning kalit kiritish maydoniga qo'yasiz.

Quyidagi qadamlar — SavdokuBot'ning «Ulash» ekranida chiqadigan yo'riqnomaning aynan o'zi. Shuning uchun «quyiga joylashtiring» deganda bot ichidagi kalit maydoni nazarda tutiladi. Kabinet yo'llari marketplace'larning rasmiy API hujjatlaridan olingan.

Uzum

Uzum Seller → Mening profilim → API

  1. seller.uzum.uz → Mening profilim → API kalitlar bo‘limiga o‘ting.
  2. Token yarating va nusxalab, quyiga joylashtiring.
  3. Bitta token bir nechta do‘konga ishlaydi — kerak bo‘lsa “Do‘kon ID”ni ham kiriting.

Ruxsat: Bitta token yetarli. Ko‘p do‘kon bo‘lsa — “Do‘kon ID” (ixtiyoriy) bilan aniqlang.

Kabinetni ochish →

Wildberries

Wildberries Hamkorlar → Sozlamalar → API’ga ruxsat

  1. seller.wildberries.ru saytiga kiring → Sozlamalar (Настройки) → API’ga ruxsat (Доступ к API).
  2. “Yangi token yaratish”ni bosing va unga nom bering.
  3. Kategoriyalarni belgilang: Kontent, Marketpleys, Narxlar va chegirmalar, Statistika, Analitika, Reklama (Продвижение), Moliya.
  4. “Faqat o‘qish” (Read only) ni QO‘YMANG — bot qoldiq va narxni yangilashi uchun yozish ruxsati kerak.
  5. Tokenni nusxalab, quyidagi maydonga joylashtiring.

Ruxsat: Kerakli kategoriyalar + Read & Write. Token 180 kun amal qiladi; muddati tugab ishlamay qolsa sinxron to‘xtaydi va men shu zahoti xabar beraman (oldindan ogohlantirish hali yo‘q).

Kabinetni ochish →

Ozon

Ozon Seller → Sozlamalar → Seller API

  1. seller.ozon.ru → Sozlamalar (Настройки) → Seller API bo‘limiga o‘ting.
  2. “API kalit yaratish” (Сгенерировать ключ)ni bosing, rolni Admin qilib tanlang.
  3. Client-Id va Api-Key’ni nusxalab, quyiga joylashtiring.
  4. Reklama hisobotlari kerak bo‘lsa (ixtiyoriy): Performance API’da alohida Client-Id va Client-Secret yarating.

Ruxsat: Client-Id + Api-Key, Admin roli. Reklama — alohida Performance kaliti (ixtiyoriy).

Kabinetni ochish →

Yandex Market

Yandex Market Hamkor → Sozlamalar → API

  1. partner.market.yandex.ru → Sozlamalar → API (API-ключи) bo‘limiga o‘ting.
  2. Yangi API-Key yarating va kerakli barcha ruxsatlarni belgilang: buyurtma, narx, qoldiq, hisobotlar.
  3. API-Key (48 belgi)ni nusxalab, quyiga joylashtiring.

Ruxsat: API-Key barcha kerakli ruxsatlar bilan (buyurtma, narx, qoldiq, hisobot).

Kabinetni ochish →

Ko'p uchraydigan xato: «faqat o'qish»

Wildberries'da token yaratayotganda «Read only» belgilansa, dastur qoldiq va narxni o'zgartira olmaydi — faqat ko'radi. Tashqaridan bu «ulanmadi»ga o'xshaydi, aslida kalit tor. Ozon'da xuddi shunday rol muhim: Admin bo'lmasa, ba'zi bo'limlar yopiq qoladi.

Kalitni bergandan keyin nima bo'ladi

SavdokuBot kalitni shifrlangan holda saqlaydi va uni javob matnlarida ham, loglarda ham ko'rsatmaydi. Kalitni kabinetdan bekor qilsangiz — ulanish o'sha zahoti kuchini yo'qotadi.

Kalit ishlamay qolganda (masalan, muddati tugasa) sinxronizatsiya to'xtaydi va bot sizga xabar beradi. Bu muhim: ogohlantirishsiz to'xtagan sinxron — qoldiq haqiqatdan uzoqlashishining eng keng tarqalgan sababi.

Kalitni ulashga tayyormisiz?

Botni oching, «Ulash» ni bosing — shu qadamlar ekranda ochiladi.

Botni ochish